स्वप्नातल्या घरी माझ्या...

स्वप्नातल्या घरी माझ्या , अन्नपूर्णेचा निवास आहे.

ताटातला प्रत्येक घास, अमृताचा घास आहे.

मायेचा पदर आहे , बापाचा आधार आहे.

आजीच्या गोष्टी आहेत , आजोबांचा धाक आहे.

स्वप्नातल्या घरी माझ्या , भावंडांच्या गप्पा आहेत

इवलुश्या लेकरांचा गोंगाट आहे..

स्वप्नातल्या घरि माझ्या , वाद्यांचा नाद आहे.

बोली भाषेत आमच्या स्वरांमधली कोमलता आहे.

स्वप्नातली घरी माझ्या चंदनाचा सुवास आहे.

तुळशीसमोर लावलेला अखंड दीप आहे...

घर आहे छोटेसे पण मन मात्र मोठी आहेत.